«ШЫМКЕНТ – 2200: Туристік креативті қала бейнесі» байқауы өтеді

09.09.2021 10:02

540

Жеңімпаздар сертификаттармен және түрлі бағалы сыйлықтармен марапатталады.

Шымкент қаласының Туризм және сыртқы байланыстар басқармасының ұйымдастыруымен Дүниежүзілік туризм күніне орай 26-27 қыркүйек күндері «Shymkent 2200: Туристік креативті қала бейнесі» атты форум-көрме өтеді, деп хабарлайды ERNUR.KZ.

Іс-шараға өтінімдер 9-20 қыркүйек аралығында қабылданады.

Талантты азаматтарды қолдай отырып, қаланың креативті бейнесін қалыптастыруға бағытталған шара – бәсекелестік қабілетті арттырып, шаһардың әлеуметтік-экономикалық дамуына және туризм саласының өркендеуіне ықпал етеді.

Форум-көрме 6 номинациядан тұрады. Олар:

- Медиа

- IT-жоба

- Креативті архитектура

- Туризм саласындағы креативті қызметтер

- Қала бренды

- Гастрономия (Шымкент дәмі)

Басты талап:

- Жобаның сапасы

- Креативтілік пен өзектілік

- Авторлық жоба (плагиат емес)

Жобалар бейнеролик, макет немесе слайд түрінде қазақ/орыс тілінде презентация және электронды түрде (jpg, pdf, 1080p (FullHD)), бір автордан 3 жобаға дейін қабылданады. Конкурсқа қатысу үшін 8-25 қыркүйек арасында арнайы сайтында орналасқан арнайы анкетаны толтырып, shymkent2020@gmail.com поштасына жіберу қажет. Толық ақпарат алу үшін +7 (701) 102 17 17, +7 (702) 109 17 17 нөмірлеріне хабарласуға болады. Жеңімпаздар сертификаттармен және түрлі бағалы сыйлықтармен марапатталады.