ШЫМКЕНТ: Әл-Фараби ауданында тұрғындар өтініші орындалуда

21.01.2025 17:03

229

344 көпқабатты үй ауласына асфальт төселеді

2025 жылы Шымкент қаласы Әл-Фараби ауданында 33 жаңа балалар ойын алаңшасы және Сәуле шағын ауданында кешенді спорт алаңы орнатылады.

Аудан аумағында ойын және спорт алаңшаларын қамту көрсеткіші 2025 жылдың соңына қарай 83,5%-ға, ал 2026 жылы 100%-ға жеткізіледі.

Аудандағы 390 көшенің қазіргі уақытта 314 көшесі жарықтандырылған, бұл 80,5%-ды құрайды. Биыл қосымша 76 көшеге жарық орнатылады, жыл соңына дейін ауданның барлық көшелері жарықтандырылып, көрсеткіш 100%-ға жетеді.

Әл-Фараби ауданында жалпы ұзындығы 260 шақырымды құрайтын 390 көше бар. Оның ішінде:

• 245 шақырымы асфальт жол.

• 15 шақырымы тас жол.

2024 жылы 25 көшеге асфальт қабатын төсеу жоспарланған. 2025 жылға қарай аудан аумағындағы барлық көшелер асфальтталып, жол сапасы 100%-ға жеткізіледі.

Қалалық тұрғындардың өтініштеріне сәйкес, 344 көпқабатты тұрғын үй аулаларындағы жолдарға 2000 тонна асфальт төселеді.

Бұл жұмыстар аудан тұрғындарының өмір сапасын жақсартып, қала инфрақұрылымының дамуына оң әсерін тигізеді.