Шымкент: Silkway Халықаралық университеті студенттерге қашықтықтан білім беру жүйесіне көшті

Елімізде орын алып отырған төтенше жағдайға байланысты, коронавирустық инфекцияның (COVID-19) алдын алу мақсатында Silkway Халықаралық университеті толығымен қашықтықтан білім беру жүйесіне көшті, деп хабарлайды ERNUR.KZ.

12 наурыздан бастап Өзбекстан, Түркменстан, Ауғанстан тағы басқа алыс-жақын шетелдегі студенттерді үйлеріне қайтарылып, бүгінгі таңда барлық білім алушылармен электронды байланыс түзілген.

Университеттің ИСВУЗ ақпараттық жүйесіне штаттық режимде өткізілетін сабақтардың кестесі ілінген. Кестеге сәйкес мұғалімдер Zoom платформасы арқылы онлайн сабақ өткізіп, студенттермен кері байланыс орнатып, білім беру жұмысын жүйелі жүзеге асыруда. Шалғайдағы және шетелдегі студенттер үшін swiu.kz, sdoswiu.kz сайттарында видиолекциялар салынып, студенттер үшін қолжетімділікті арттырып жатыр.

Техникалық жабдықтауы жоғары ПОҚ университетке келмей қашықтықтан дәріс өткізсе, техникалық мүмкіншілігі жоқ оқытушылар және әкімшілік басқару персоналы университетке келіп, университеттің техникалық жабдықтауын пайдаланып дәріс өткізуде. Сондай-ақ, Silkway Халықаралық университеті 3 корпус бойынша жылдамдығы 100 мб/с болатын интернет желісімен қамтамасыз етілген.