Қалалық халықты жұмыспен қамту орталығы, «Shymkent» әлеуметтік-кәсіпкерлік корпорациясы және «Asia Trafo» трансформаторлық зауыты өзара бірлескен меморандумға қол қойды.
Шымкент қаласында «Еңбек» мемлекеттік бағдарламасының ІІІ бағыты аясында азаматтарды жұмыспен қамту мақсатында қалалық халықты жұмыспен қамту орталығы, «Shymkent» әлеуметтік-кәсіпкерлік корпорациясы және «Asia Trafo» трансформаторлық зауыты өзара бірлескен меморандумға қол қойды, деп хабарлайды ERNUR.KZ.
«Shymkent» әлеуметтік-кәсіпкерлік корпорациясының қолдауымен өткен кездесуде тараптар жастар арасындағы техникалық мамандық иелерін «Жастар» практикасы бағыты бойынша мемлекет есебінен ақылы және әлеуметтік жұмыс орындарына тартуға келіссөз жүргізді.
– Жастарды жұмыспен қамту, жастар арасындағы жұмыссыздық деңгейін азайту үшін барлық шараларды қолға алу жоспарланып отыр. Осы орайда, бүгінгі өзара келісім «Жастар практикасы» бағдарламасы арқылы жұмыссыз жастарды жұмыспен қамту шараларына тартуға бағытталған, – дейді қалалық жұмыспен қамту орталығының директоры С.Абдуллаев.
Айта кетсек, «Asia Trafo - «Alageum Electric» компаниясы қазақстандық холдинг құрамына кіретін трансформаторлық жабдық өндіретін ең ірі зауыттардың бірі.
Жалпы жыл басынан бері 9 мыңнан астам Шымкент қаласының азаматтары жұмысқа орналасқан. Оның ішінде 175 азамат әлеуметтік жұмыс орындарына жіберіліп, «Жастар практикасы» арқылы 900-ге жуық жас түрлі мекемелер мен кәсіпорындарға жолданды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
