Сәуле шағын ауданындағы мұсылман мазаратының ішкі және сыртқы қоршауларының сынған жерлері қалпына келтірілді.
Шымкент қаласы Әл-Фараби ауданына қарасты Сәуле шағын ауданындағы мұсылман мазаратының ішкі және сыртқы қоршауларының сынған жерлері қалпына келтірілді, деп хабарлайды ERNUR.KZ.
Сондай-ақ, онда заңсыз ашылған кіріп-шығу есіктері де бекітілді.
Жалпы аудан аумағында 5 мұсылман мазараты орналасқан. Мазарат маңының қураған шөптерін ору, сынған және қураған ағаштарын бұтау, қоқыс шығару жұмыстары кестеге сай тұрақты түрде атқарылып келеді.
Күтіп-баптауына жауапты «Арнайы қызмет көрсету бюросы» ЖШС-ы аптасына 2 рет тазалық жұмыстарын жүргізіп отырады. Оған мекеме тарапынан 10 техника, 30 адам жұмылдырылған.
![](/assets/thumbnails/d2/d21dc3fd261273ec206aadb3a4039639.jpg ""Жабық тұрған есіктен қалай өткенімді білмеймін": тылсымға тап болған оқырман басынан өткенін айтып берді")
