Шымкентте республикалық футбол фестивалі басталды

12.05.2023 17:43

568

Аталған іс-шараға Шымент қаласынан 2 балалар үйінің тәрбиеленушілері қатысады.

Шымкент қаласындағы «БИІК» спорт кешенінде балалар үйлерінің тәрбиеленушілеріне арналған республикалық футбол фестивалі басталды, деп хабарлайды ERNUR.KZ.

Қазақстан футбол федерациясы УЕФА-ның футбол және әлеуметтік жауапкершілік бағдарламасы аясында балалар мен жасөспірімдер арасында футбол фестивалін өткізуді қолға алған болатын.

Аталған іс-шараның мақсаты - балалар спортын дамыту әрі футболды насихаттау.

Фестиваль жастар футболын қолдау және дамыту қоры, Шымкент қаласының денешынықтыру және спорт басқармасы, «Ордабасы» футбол клубының қолдауымен ұйымдастырылды

Оңтүстік футбол академиясының директоры Бақыт Көшенов, ҚФФ бұқаралық футбол департаментінің менеджері Наталья Горенко футбол фестивалі балаларға зор серпін беретінін атап өтті.

Аталған іс-шараға Шымент қаласынан 2 балалар үйінің тәрбиеленушілері қатысады.

Айта кетейік, фестивальде «Ордабасы» футбол орталығының және футбол клубының ойыншылары мен жаттықтырушылары футболдан шеберлік сағатын өткізеді. Сондай-ақ, екі жақты жолдастық кездесу де жоспарланған