ШЫМКЕНТТІҢ «ТҰРАН-2010» КОМАНДАСЫ ХАЛЫҚАРАЛЫҚ ТУРНИРДЕ ТОП ЖАРДЫ

14.04.2025 12:09

271

Қазан айында бастау алған шайбалы хоккейден Өзбекстан Республикасының алғашқы чемпионаты өз мәресіне жетті. Бұл – көршілес елдің хоккей тарихындағы жаңа кезеңнің бастауы болды.

Аталмыш додада Шымкент қаласының атынан сынға түскен «Тұран-2010» командасы барлық қарсыласынан басым түсіп, тарихи жеңіске қол жеткізді. Жаттықтырушы Жанат Байдеудің жетекшілігімен өнер көрсеткен команда шынайы шеберлік, табандылық пен командалық рухтың үлгісін көрсетті.

Жарыс нәтижесі:

1 орын — «Тұран» (Қазақстан, Шымкент)

2 орын — «Бинокор» (Өзбекстан, Ташкент)

3 орын — «Хумо» (Өзбекстан, Ташкент)

«Тұран» – тұңғыш чемпионаттың тарихына алтын әріппен жазылды.