Әйгілі қақпашы Буффон футболдан кеткенін мәлімдеді

ERNUR.KZ. Италияның атақты голкипері Джанлуиджи Буффон 45 жасында футболдағы карьерасын тоқтатты, деп жазады ҚазАқпарат.

«Ал жігіттер, осымен болды! Сендер маған бәрін бердіңдер, мен де сендерге бәрін бердім. Біз оны бірге жасадық», - деп жазды әйгілі қақпашы. Сонымен бірге ол футболдағы жарқын сәттері бейнеленген видео жариялады.

Айта кетейік, Джанлуиджи Буффон 1978 жылы Италияда өмірге келген. Даңқты футболшы, қақпашы, әлемдік футболдың рекордшы-қақпашыларының бірі. Ол 5 әлем чемпионатына қатысқан - 1998, 2002, 2006, 2010 және 2014 жылдары. Ал 2006 жылы Германияда өткен әлем біріншілігінің чемпионы болып, аталған турнирдің ең үздік қақпашысы атанды.