Әлем Кубогы: Қазақстанның алты боксшысы медаль үшін таласады

0
148

Қазақстанның алты боксшысы жартылай финалға өтті.


Әлем Кубогы: Қазақстанның алты боксшысы медаль үшін таласады

фото: Қазақстан бокс федерациясы

ERNUR.KZ. Бразилияда бокстан Әлем кубогының бірінші кезеңінде Қазақстанның алты боксшысы жартылай финалға өтті, деп жазады sputnik.kz.
4 сәуірге қараған түні Даниял Сапарбай (+90 келі) бірінші болып финалға жолдама үшін таласады. Оның қарсыласы – өзбекстандық Жахонгир Зокиров. Бұл жекпе-жек түнгі сағат 02:00-де басталады.
Бұдан бөлек, Нұрсұлтан Алтынбек (55 келіге дейін), Диас Молжігітов (80 келіге дейін), Дәулет Төлемісов (85 келіге дейін), Жазира Орақбаева (51 келіге дейін) мен Ұлжан Сәрсенбек (57 келіге дейін) бар. Олар 4 сәуір күні шаршы алаңға шығады.
Айта кетері, жаңада құрылған World Boxing 2025 жылғы Әлем Кубогын бірнеше жерде өткізуге шешім қабылдады. Алдымен Бразилия (31 наурыз – 5 сәуір), одан кейін Қазақстан (30 маусым – 7 шілде), үшінші кезең – 21-21 шілде (орны анықталып жатыр), ал финал 15-22 қараша аралығында Үндістанда ұйымдастырылады.

Бразилияға 11 қазақстандық боксшы (8 ер адам мен 3 әйел) барды. Олардың ішінде алтауы медаль үшін таласады.