Қамшыбек Қоңқабаев Құрмет орденімен марапатталды

ERNUR.KZ. Елордада ҚР Президентінің жарлығымен Токио Олимпиадасының жүлдегерлері мемлекеттік наградаға ие болды. Осы орайда Олимпиада ойындарының қола жүлдегері Қамшыбек Қоңқабаев награда алғаннан кейінгі әсерімен бөлісті, деп жазады Vesti.kz.

"Елордамыз Нұр-сұлтан қаласында Токио олимпиадасының жүлдегерлері мен жаттықтырушыларын марапаттау рәсімі аталып өтті. Президентіміздің жарлығымен айтулы шарада “Құрмет” орденімен марапатталдық. Бұндай құрметтің иегері болу мен үшін үлкен мәртебе және абырой. Қазақ елінің игілігі үшін еңбек ету әрбір ҚР азаматының міндеті деп білемін. Отандық спортшыларымыз ел абыройын әлемдік аренада асқақтата берсін!", - дейді Қамшыбек Қоңқабаев.

Еске салайық, Қамшыбек Қоңқабаев 91 келіден жоғары салмақта XXXII Жазғы ойындардың қола медалін иеленді.