Қамшыбек Қоңқабаевтың кәсіпқой бокстағы келесі қарсыласы анықталды

ERNUR.KZ. Аса ауыр салмақта өнер көрсететін қазақстандық боксшы Қамшыбек Қоңқабаевтың (3-0, 3 КО) кәсіпқой бокстағы келесі қарсыласы анықталды, деп жазады Vesti.kz.

Әуесқой бокста Қазақстан құрамасының капитаны 11 желтоқсан күні Алматы қаласында төртінші кездесуін өткізеді. Оның қарсыласы братиниялық боксшы Стивен Уорд (11-1, 4 КО) болады. Бұл айқаста бірінші ауыр салмақтағы WBA Gold белбеуі сарапқа салынады.

Аталған бокс кешінің андеркартында қазақстандық Сұлтан Зәуірбек және Талғат Шәйкен өнер көрсетеді.

Айта кетейік, бұл Қоңқабаевтың Олимпиада ойындарының кейінгі бірінші жекпе-жегі болады. Ол кәсіпқой бокстағы кездесуіне байланысты Сербияда өткен әлем чемпионатына қатысудан бас тартты.