Елбасы бір айдан соң Түркістанға барады

Үкімет басшысы хабарлағандай, Түркістанға бір айдан кейін президент барады, деп хабарлайды ERNUR.KZ ақпараттық порталы sputniknews.kz сайтына сілтеме жасап.

Оған дейін барлық мемлекеттік қызметкер қалаға көшуі тиіс

Қазақстан премьер-министрі Бақытжан Сағынтаев Түркістан облысына жұмыс сапарымен барды. Жиналыста ол мемлекеттік қызметкерлерге бір айдың ішінде жаңа облыс орталығына қоныс аударуды бұйырды.

Премьер-министр жұмыс сапары кезінде Түркістанда алдағы уақытта бой көтеретін жаңа әкімшілік іскерлік орталықтың сызбасын көріп, жұмыстардың жоспарымен танысты.

Бақытжан Сағынтаевтың айтуынша, бұған дейін бөлінген қаржы толық игерілген. Түркістанды түлетуге тағы да қазынадан қаражат бөлінбек.

Министрлік өкілдерінің баяндамаларын тыңдаған премьер-министр облыстық денсаулық сақтау басқармасының әлі күнге орталыққа қоныс аудармағанын естігенде аушына мінді.

«Министр ақша жоқ деп қарап отырса, ешқашан көшпейді. Елбасы бір айдан кейін келеді, осы жерде отыратын болсын. Өзіңіз бастап алып келесіз», — деп тапсырды Бақытжан Сағынтаев.

Отырыста Бақытжан Сағынтаев қаланың бас жоспарын бекітіп, құрылысқа кірісуді тапсырды.