«Менің планетамдағы экология» форумы оқушылардың экологиялық білімін арттырды

Түркістан облысы Отырар ауданы Темір ауыл округінде орналасқан Темір жалпы орта мектебінде «Жасыл ел — жасыл экономика» бағдарламаларын жүзеге асыру мақсатында "Менің планетамдағы экология" тақырыбында форум өткізілді, деп хабарлайды ERNUR.KZ тілшісі.

Форумды аталған білім ордасының география, биология, физика пәні мұғалімдері Б.Камал, А.Ахаева және А.Жүнісбековалар ұйымдастырды. Оқушылар бойында өзіміз өмір сүріп жатқан ортаның табиғатын қорғау және экологияны сақтау мәдениетін қалыптастыруға тәрбиелеу, ел патриоты болуға үндеуді мақсат еткен форумға 8-11 сынып оқушылары қатыстырылды. Оқушылар өздері дайындаған слайдтар арқылы өз жобаларын қорғап, «Семей полигонының экологиялық мәселелері», «Табиғатты аялайық», «Экологиялық мәдениeтті қалыптастыру», т.б. секілді тақырыптарды қамтып, ауқымды мәселелерді көтере білді. Ғаламшарымызда экологиялық тазалықты сақтаудың жолдарын ұсынған оқушылар өз пікірлері арқылы өздерінің білімдері мен дағдыларын жоғары дәрежеде көрсете білді.

Аталмыш шараны ДТІЖО А.Пірман қорытындылап, оқушылардың талпынысы мен балалардың талабын ұштап, тәрбие беруде зор еңбек сіңіріп жүрген ұстаздарға алғысын білдірді.