ТҮРКІСТАН: 10 000-нан астам төлебилік тұрғын вакцина салдырған

Төлеби ауданында 10395 адам вакцинацияланды, деп хабарлайды ERNUR.KZ.

Түркістан облысында вакцина егу науқаны басталғалы Төлеби ауданында 10395 адам вакцинацияланды. Оның ішінде 2675 адам вакцинаның екі компонентін салдырған. Өткен тәулікте 745 адам вакцина салдырды, оның ішінде I компонентті – 665-і, II компонентті – 80-і қабылдаған.

2021 жылы ауданда коронавирус инфекциясының 239 жағдайы тіркелген. Тіркелген адамдардың 93-інде симптомды, 146-сында симптомсыз КВИ анықталған. Сондай-ақ, 85 адам пневмония дертіне шалдыққан.

Сондай-ақ, аудан аумағында санитарлық-эпидемиологиялық талаптардың сақталуы бақылауда. Мобильді топтар нысандарда үгіт-насихат, тексеру жұмыстарын тұрақты түрде жүргізуде. Олар 2021 жылғы 3 мамыр күні 102 нысанды аралаған. Аудан әкімдігі эпидемиологиялық жағдайдың күрделенуіне байланысты аудан тұрғындарын, кәсіпкерлерді карантин талаптарын сақтауға шақырып келеді.