ТҮРКІСТАН: «QazaqGaz Aimaq» АҚ  цифрлық шешімдерді енгізуді кеңейтіп жатыр

«QazaqGaz Aimaq» АҚ цифрлық шешімдерді енгізуді кеңейтуде, деп хабарлайды ERNUR.KZ.

Қазақстанда жасанды интеллектіні ендіру жобалары қарқын алды. Еліміздің Премьер-министрі Олжас Бектеновтің төрағалығымен өткен 25 қаңтардағы Үкімет отырысында қоғамдық өмірдің барлық саласына жаңа цифрлық технологиялар мен жасанды интеллектіні енгізу мәселесі қаралған болатын. ЖИ ендірілуі тиіс секторлардың арасында мұнай-газ саласының ауқымы кең екендігі айтылды. Қазір Мемлекет басшысының тапсырмасына сай,жасанды интеллектіні енгізуге арналған экономиканың басым секторлары айқындалуда. Күні кеше ғана Қазақстан мен Өзбекстан президенттері IT-компаниялар, стартаптар және AI саласындағы сарапшылардың қатысуымен өткен AlmatyFair.ai көрмесін аралады. Қасым-Жомарт Тоқаев пен Шавкат Мирзиёевке Ұлттық жасанды интеллект платформасы таныстырылды. Мамандар ЖИ мемлекеттік органдардың жұмысын, өндіріс, кен орындары мен қызмет көрсету сияқты көптеген салаларды оңтайландыру мүмкіндігіне ие екендігіне тоқталды.

Бүгінде автоматтандырылған интеллектуалды қауіпсіздік жүйелері өзінің өміршеңдігі мен тиімділігін көрсетуде. Әсіресе, құжат өңдеу, жинауүрдістерінде IT көмегі орасан. «QazaqGaz Aimaq» АҚТүркістан өндірістік филиалының IT мамандары да компанияға цифрлық шешімдерді ендіріп үлгерді. Енді күн сайын негізгі көрсеткіштер айталық, тауарлық газды тасымалдау мен өткізу көлемінің есебі, өкілеттік органдарға өтінім беруді ресімдеу, түзету ендіру, дебиторлық берешек жөніндегі мәліметтер мен оның орындалуын талдау, бақылау және тб өндірістік процестерді қадағалау Мәліметтерді талдау орталығына (МТО) шоғырландырылады, оны басшылық та, қызметкерлер де 24 сағат бойына онлаин режимде бақылай алады. Мысалы, бұрын газға төлем есебін Excel нұсқада жасап оны басшылыққа беру үшін күні бойы салыстырмалы есеп әзірлеуге тура келсе, қазір 30-40 минут ішінде мәліметтер МТО-ға жіберіліп, одан ары автоматты түрде жаңаланып, кез келген маманға керекті диаграммалық талдама дайын тұрады.

Оның үстіне Орталық бірыңғай ақпаратпен қамтамасыз етілетіндіктен, қателік болмайды, маңызды мәліметтерге сай дер кезінде әрекет етуге мүмкіндік зор. Тағы бір артықшылығы бөлім жұмыстары да оңтайландырылған, талдаулар ашықтықпен қоса қолайлы форматта берілетін болды. Және цифрлық шешімдер көмегімен басшылар енді жоспар мен нақты жағдай арасындағы алшақтықты жоюға дереу кірісе алады.

Қорыта айтқанда, Мемлекет басшысы тапсырмасымен жүзеге асып жатқан цифрлықжобалары «QazaqGaz Aimaq» АҚ-да өзекті шешімін тапты. Түркістан өндірістік филиалынан бастау алған цифрлық жобасы газдандырылған 14 облыстағы филиалдар мен республикалық маңызы бар үш қалаға да ендіріліп, 70 мың шақырымға жуық газ тарату құбырымен қызмет көрсетуді оңтайландыруға көшуде. Цифрлық шешімдер компаниядағы жұмысшы мамандар ісіне де ерекше тиімділігін көрсетіп жатыр. Бұл дегеніңіз, Қазақстандағы ең ірі газ тарату кешенінің 2 млн 400 мыңнан астам тұтынушыларына жайлылық ғана емес, қолайлылық та тудыру болып табылады.