Жол-көлік оқиғасы сағат 11:40–та Алмалы ауданында болған.
Фото: Almaty_my телеграм арнасы
ERNUR.KZ. Алматыда қоғамдық көлік пен пойыз соқтығысты. Оқиға салдарынан 6 жолаушы жарақат алды, деп жазады inform.kz.
Алматы қаласы Полиция департаментінің мәліметіне сәйкес, жол-көлік оқиғасы сағат 11:40–та Алмалы ауданында болған.
— Жеке тасымалдаушыға тиесілі № 88 автобус Әуезов көшесімен солтүстік бағытта келе жатып, Гоголь көшесінің солтүстігінде батысқа қарай темір жолмен келе жатқан тепловозбен соқтығысты. Жол апаты салдарынан қоғамдық көліктің 6 жолаушысы зардап шекті. Оларға медициналық көмек көрсетілді. Оқиғаның басқа да мән-жағдайлары анықталып жатыр, — деп хабарлады қалалық ПД баспасөз қызметі.
