Қостанайлықтарға көмек көрсету үшін Атырау облысы бойынша арнайы чат ашылған. Чатқа қосылған азаматтар ақшалай және заттай көмек көрсетуге дайын екенін жазуда.
ERNUR.KZ. Дала өртінен зардап көрген Қостанай облысының тұрғындарына атыраулықтар 30 тонна гуманитарлық көмек жіберді, деп жазады inbusiness.kz.
Облыс әкімі Серік Шәпкеновтің тапсырмасы бойынша Атырау қаласы мен аудандарда арнайы штабтар құрылған.
"Штаб өкілдері бүгін таңғы сағат 9:00-ден бастап азық-түлік, киім-кешек, жеке гигиеналық құралдар мен төсек-жабдық жинап, көліктерге тиеп жіберді",- деп жазылған хабарламада.
Қайырымдылық шарасына тұрғындар, әкімдік қызметкерлері мен мәслихат депутаттары, жергілікті кәсіпкерлер мен еріктілер жасағы атсалысып жатыр.
"AMANAT" партиясының Атырау облыстық филиалының атқарушы хатшысы Абдолла Идресовтің мәліметінше, бірінші қажеттіліктегі заттар салынған алғашқы 10 жүк көлігі жолға шықты. Қалғаны Қостанай облысына жақын уақытта жөнелтіледі.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
