ERNUR.KZ. Бұл қаралы хабарды журналист Оралхан Дәуіт желідегі парақшасында жариялады, деп жазады BAQ.KZ.
Журналист жазуынша өнер иесінің ертең жаназасы оқылады.
“Қайран, Гүлнәр әпке... Бір ауылда туып-өссек те жүзбе-жүз сөйлесуді Алла Тағалам жазбаған екен. Телефон арқылы талай мәрте әңгімелесіп, сұхбат та алдым. Өте ашық жарқын, керемет жан едіңіз. Өмірден ерте өткен анаңыз туралы жиі айтып, мұңайып қалушы едіңіз. Енді міне, аяқ астынан анаңыздың артынан аттанып кете барыпсыз... Алла Тағалам о дүниеңізді берсін. Ағайын, бүгін белгілі әнші, Қазақстан Республикасының еңбек сіңірген артисі Гүлнар Сиқымбаева қайтыс болды”, - делінген Оралхан Дәуіттің парақшасында.
Онда әншінің жаназасы ертең Түркістан облысы Төлеби ауданы Жамбыл ауылында өтетіні айтылған.
