Болат Назарбаевтың жағдайы туралы «Салиқалы ұрпақ» қоры мәлім етті

ERNUR.KZ. Болат Назарбаевтың денсаулығы туралы «Салиқалы ұрпақ» қоры мәлім етті, деп жазады tengrinews.kz.

«Болат Назарбаевтың жағдайы тұрақты ауыр халде екенін және 2015 жылдан бастап онкологиялық аурудан емделіп жатқанын хабарлаймыз», - деді қоғамдық қордың директоры Қасым Қасабеков.

Осыған дейін БАҚ-та Болат Назарбаевтың фотосы мен видеосы жарияланған. Дереккөздің мәліметінше Болат Назарбаевтың жағдайы өте мүшкіл және «дәрігерлер оның өмірі үшін күресуде».

«Салиқалы ұрпақ» сайтында Болат Назарбаев қоғамдық қордың құрушысы ретінде көрсетілген.

Айта кетейік, Болат Назарбаев наурыз айында 69 жасқа толды.