Сот «эмоциясын асыра сілтеп жіберген» жанкүйерге айыппұл салды.
ERNUR.KZ. Матч кезінде «Ертіс» футбол командасының ойыншыларына тіл тигізген Павлодар тұрғыны 8 мың теңге айыппұл төлейтін болды, деп жазады baq.kz.
Мамандандырылған әкімшілік сотта Орталық стадионда бұзақылық жасаған Павлодар тұрғынының ісі қаралды.
«Д. есімді азамат Орталық стадионда «Ертіс-Тобыл» командаларының ресми матчы кезінде «Ертіс» командасының ойыншыларын балағаттап, айналасындағы адамдарды құрметтемейтінін көрсетіп, бұзақылық жасады», - делінген Соттың хабарламасында.
Салдарынан сот «эмоциясын асыра сілтеп жіберген» жанкүйерге 8838 теңге айыппұл салды.
Сот қаулысы әлі күшіне енген жоқ.
