Санитарлық дәрігерлер егер тұтынушы шағым түсірсе, тексеріс жүргізілетінін мәлімдеді.
ERNUR.KZ. Ақмола облысындағы Калачи ауылының тұрғыны балық консервісінен белгісіз тіршілік иесін тауып алды, деп жазады sputnik.kz.
Әйелдің айтуынша, ол жаңа жылға дейін Ресейде өндірілген консервіленген майшабақ сатып алған. Ал консервіні ашқан кезде ұзындығы 8 сантиметрдей қоңызға ұқсайтын бунақ аяқты тіршілік иесін көрген.
Табылған тіршілік иесі теңіз тарақаны (Saduria entomon) болуы мүмкін. Бұл көлдерде және солтүстік теңіздерде өмір сүретін ірі шаян. Тұтынушылар оны балық консервісінен тауып алатын жағдайлар жиі болып тұрады. Ұсақ балықтарды дұрыс сұрыптамаған жағдайда, ол тамақтың арасында кетуі мүмкін. Ол жеуге жарамсыз болғанмен, адам денсаулығы үшін қауіпті емес.
