Қытай юані әлемде ең көп сатылатын бесінші валютаға айналды

30.10.2022 12:06

709

Бұл туралы Халықаралық есеп айырысу банкінің (ХЕБ) осы аптада жарияланған есебінде айтылды.

ERNUR.KZ. Қытай юані нарықтағы жеті пайыздық үлесімен әлемде ең көп сатылатын бесінші валютаға айналды, деп жазады inform.kz.

Бұл туралы Халықаралық есеп айырысу банкінің (ХЕБ) осы аптада жарияланған есебінде айтылды.

Банк есебіне сәйкес, қытай юанінің саудасы 2019 жылғы 4% салыстырғанда 2022 жылы әлемдік валюта айналымының 7%-ын құрады. АҚШ доллары нарықтағы 90%-ға жуық үлесімен өзінің үстем жағдайын сақтап қалды, ал еуроның үлесі 31%-ға дейін аздап төмендеп, екінші ең белсенді саудаланған валюта болып қалды. Жапон иені (17%) мен фунт стерлинг (13%) алғашқы «бестіктегі» позицияларын сақтап қалды

Биржадан тыс валюта нарықтарындағы сауда көлемі 2022 жылдың сәуірінде күніне 7,5 трлн долларға жетті. Бұл үш жыл бұрынғы 6,6 трлн доллардан 14%-ға өсіп, жаңа рекорд орнатты.

Банк есебінде жарияланған статистика 52 юрисдикциядағы орталық банктер мен басқа органдардың қатысуымен сәуір айында жасалды.

Қытай Халық банкінің (Орталық банк) мәліметінше, 2020 жылмен салыстырғанда юаньмен трансшекаралық есеп айырысу көлемі өткен жылы 29%-ға өсіп, 36,61 трлн юаньға (5,12 трлн доллар) жетті.

Жергілікті БАҚ хабарлауынша, Қытайдың «Жібек жолы инвестициялық қоры» шілде айында Индонезияның ұлттық әл-ауқат қорына 20 млрд юаньға дейін инвестиция салу туралы инвестициялық келісімге қол қойды. Инвестиция төлемнің қолайлы түрі ретінде юаньды пайдаланады.

Қыркүйек айында ресейлік «Газпром» мен Қытайдың China National Petroleum Corp Қытайға табиғи газ жеткізгені үшін төлемдерді рубль және юаньмен аудару туралы келісімге қол қойды.

Соңғы кезде Орталық Азияда юаньді қолданудың айтарлықтай өскені байқалады. Қыркүйек айында Қазақстан Республикасының Ұлттық банкі мен Қытай Халық Республикасының Халық банкі Қазақстанда юаньмен операциялар жүргізу үшін клирингтік есеп айырысуларды құру мақсатында ынтымақтастық туралы меморандумға қол қойды.