Сенаттың жаңа баспасөз хатшысы тағайындалды

ERNUR.KZ. ҚР Парламенті Сенатының баспасөз хатшысы қызметіне Данияр Рамазанов тағайындалды, деп жазады ҚазАқпарат.

«Сенатта жаңа баспасөз хатшы таныстырылды. Данияр Рамазанов – тәжірибелі журналист, «Болшақпен» бітірген, республикалық телеарналардың бет-бейнесі», - делінген жарияланған ақпаратта.

Данияр Рамзанов М.Өтемісов атындағы Батыс Қазақстан мемлекет университетінде, Әл-Фараби атындағы Қазақ ұлттық университетінде білім алған.

Ұлыбританиядағы Глазго, Кардифф университеттерінде білімін шыңдаған.

Әр жылдары «Қазақстан» РТРК» Батыс Қазақстан облыстық филиалының тілшісі, «Хабар-24» телеарнасының тілшісі, халықаралық ақпараттар бөлімінің бас редакторы, ҚР Цифрлық даму, инновация және аэроғарыш өнеркәсібі министрінің баспасөз хатшысы болып еңбек еткен.