«Құтырған қатындар»: Туған күнінде тәрелке сындырған Сиви Махмуди сынның астында қалды

Отандық танымал эстрада әншісі Сиви Махмуди биылғы туған күнін Дубайда атап өтті. Әнші туған күнінде жергілікті мейрамханалардың бірінде құрбысымен бірге тәрелке сындырып, оны видеоға түсіріп, «На счастье!» деп жазба қалдырды.

Видеоны көрген өнер иесінің оқырмандары ұлардай шулап қоя берді. Осыдан бір жыл бұрын белгілі тележүргізуші Динара Сәтжан да шетелдегі мейрамханалардың бірінде көп тәрелке сындырып, сынның астында қалған еді.

«Сендер қазақтың мәдениет майданының өкілдерісіңдер. Осы қазақи мәдениетке жатады ма?», «Ыдыс өзі сынғанда «На счастье!» деуші еді. Өзің сындырып «На счастье!» деген бірінші рет көруім», «Құтырған қатындар. Секта ма, немене, жын ойнақ!», «Байыған соң адам не істерін білмейді екен ғой», «Астафирулла, не жасап тұр, ысырап дегеннен мақұрым екен ғой.Не деген мастық мынау! Ертең ақыретте осының бәріне жауап алынады ау, обал-ай» деп жазды желідегілер.