Құрылыс жұмыстарына байланысты қала әкімінің орынбасары М.Исахов көше бойындағы тұрғын үй иелерімен кездесті.
Шымкент қаласындағы Арғынбеков көшесінің екінші жақ бөлігі жабылды, деп хабарлайды ERNUR.KZ.
Шымкент қаласында 8 қаңтар күні көлік қозғалысы үшін маңызды нысан саналатын Бәйдібек би және Арғынбеков көшелерінің қиылысындағы жолайрық құрылысы басталған болатын. Осыған байланысты Арғынбеков көшесінде Бәйдібек би көшесінен Жүсіпов көшесіне дейінгі аралықтағы көлік қозғалысына уақытша шектеу қойылған.
30 қаңтардан бастап батыстан шығысқа қарай Байтұрсынов көшесінен Бәйдібек би даңғылына дейінгі аралық жабылды.
Құрылыс жұмыстарына байланысты қала әкімінің орынбасары М.Исахов көше бойындағы тұрғын үй иелерімен кездесті. Тұрғындар үшін қосымша қолайлы жағдай жасау мүмкіндіктері қарастырылды.
2022-2023 жылдар аралығына жоспарланған үш деңгейлі жолайрықта Бәйдібек би даңғылында 700 метр, Арғынбеков көшесінде 921 метр көше аралығы құрылыс аумағына енген. Құрылыс жоспарына сәйкес ені 80 метрлі 4-6 жолақты автомагистраль салынып, жол жиегіне жаяу жүргіншілер және веложол төселмек.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
