ШЫМКЕНТ: қала әкімі құрылыс және инфрақұрылым нысандарын тексерді

0
372

Мердігерлерге барлық компоненттерді мұқият қарап, іске қосу жұмысын жақын арада аяқтауды тапсырды.


ШЫМКЕНТ: қала әкімі құрылыс және инфрақұрылым нысандарын тексерді

Шымкентте қала әкімі Ғабит Сыздықбеков қаладағы бірқатар құрылыс нысандарын аралады.

Ең алдымен, реновация бағдарламасы аясында салынатын көпқабатты тұрғын үйлермен (“Сания” тұрғын үй кешені, “Ай Барыс”, “Жеңіс”, “Адал”) танысты.

Жауапты тұлғаларға жаңа тұрғын үйді жобалау және салу кезінде халықтың қажеттіліктерін ескеру керек екенін жеткізді. Мүгедектігі бар азаматтар үшін қолжетімділікті қамтамасыз ету маңызды. Тұрғын үй барлық техникалық талаптарға сай болып, қала ортасының жайлы әрі қауіпсіз болуына ықпал етуі қажет.
Сонымен қатар, Еңбекші ауданында “Ордабасы” футбол клубының балалар академиясының оқу-жаттығу кешенін аралады. Кешеннің материалдық-техникалық базасымен танысып, жас ойыншыларды дайындау үшін жасалған жағдайды бағалады. Қала басшысы жаттықтырушылар құрамымен пікірлесіп, болашақ чемпион тәрбиелеуде сәттілік тіледі.
Бұдан бөлек Қаратау ауданы, Ю. Сареми көшесінде жүргізіліп жатқан жол жөндеу жұмысын тексерді. Қала әкімі мердігер ұйым өкілдеріне жөндеу жұмысын белгіленген мерзімде аяқтауды, сондай-ақ аумақты абаттандыруға ерекше көңіл бөлуді тапсырды.
Әрі қарай “Тұлпар” көлінде субұрқақ орнату және “Қызғалдақ” субұрқағына жарықдиодты элементтер орналастыру жұмысын тексерді. Мердігерлерге барлық компоненттерді мұқият қарап, іске қосу жұмысын жақын арада аяқтауды тапсырды.
Бөлісу