ТҮРКІСТАН: Қазақстан мен Ресей арасында Үкіметаралық кеңес өтіп жатыр

Қазақстан мен Ресей арасындағы ынтымақтастық туралы Үкіметаралық кеңес өтуде, деп хабарлайды ERNUR.KZ.

Облыс орталығында Түркістан облысы кәсіпкерлік және өнеркәсіп басқармасы сондай-ақ, «TURKISTAN INVEST» ЖШС ұйымдастыруымен Қазақстан Республикасы мен Ресей Федерациясы арасында ынтымақтастық жөніндегі үкіметаралық комиссияның сараптамалық кеңесі өтуде. Екі күнге созылған отырыс сараптамалық кеңес форматында жалғасуда. Сонымен қатар сараптамалық кеңеске Қазақстан және Ресей үкіметінің өкілдері қатысуда.

Аталған шарада екіжақты экономикалық, ынтымақтастық, сауда және байланыс туралы келіссөздер жүргізіледі деп күтілуде. Екі ел арасындағы серіктестік және сауда жөніндегі мәселелер талқыланып, нарыққа анализ жасау арқылы тараптар жан-жақты пікір алмасты.

Сондай-ақ, Қазақстан мен Ресей ынтымақтастығы жөніндегі Үкіметаралық комиссияның 24-ші отырысы өтеді. Оған Ресей Федерациясы Үкіметі Төрағасының орынбасары А. Оверчук бастаған Ресейдің ресми делегациясы қатыспақ.

Жиынға қатысушылардың назарына, Түркістан облысының инвестициялық мүмкіндіктері айтылып, Браунфилд және арнайы экономикалық аймақтар легі таныстырылады деп жоспарлануда. Жиын соңында делегациясы өкілдері Түркістан қаласында өтетін мәдени бағдарламаларды тамашалайтын болады.