Бельгияда коронавирус жұқтырғандар саны өсіп жатыр

ERNUR.KZ. Бельгияда коронавирус жұқтырғандар саны өсіп жатыр, деп жазады tengrinews.kz.

Дереккөз мәліметінше, күн сайын 11 мыңға жуық адамнан коронавирус анықталып жатыр.

Бұл алдағы аптамен салыстығанда 80 пайызға көп екен. 11 жарым миллион халқы бар Бельгияда күн сайын коронавирустан 30-дан аса адам көз жұмады. Әсіресе ел астанасы Брюссель қаласы мен оңтүстіктегі Валлония өңірінде жағдай ушығып кеткен дейді.

"Бүкіл Еуропа бойынша Валлония мен Брюссельдегі жағдай ең қауіпті. Әзірше біз жағдайды бақылап, науқастарды ауруханалар арасында бөле аламыз. Алайда дертті жұқтыру саны одан әрі артса, орын жетпей қалуы мүмкін", - деді Бельгияның денсаулық сақтау министрі Франк Ванденбрук.

Індет дендеп кетсе, ауруханалардағы орындармен қатар, науқастарды емдейтін мамандар да жетіспеуі мүмкін дейді.