"Боко Харам" 300-ден астам баланы ұрлағанын мойындады

0
1 132

Жергілікті билік 17 оқушының табылғанын хабарлады. Бірақ 320 оқушы әлі содырлардың қолында.


ERNUR.KZ. Атышулы «Боко харам» лаңкестік ұйымы Нигериядағы 300-ден астам оқушыны ұрлап әкеткенін мойындады, деп хабарлайды «Хабар 24».

«Франс-Пресс» агенттігінің хабарлауынша, бұл туралы террористік топ басшысы Абубакар Шекау дауыстық хабарлама арқылы мәлімдеген.

Естеріңізге сала кетейік, 11 желтоқсанда Канкара бірнеше қарулы адам мемлекеттік мектепке шабуыл жасап, 337 баланы ұрлап әкеткен. Кеше жергілікті билік 17 оқушының табылғанын хабарлады. Бірақ 320 оқушы әлі содырлардың қолында. Үкімет полиция, әуе күштері мен әскерді балаларды құтқару операциясына жұмылдырған.