Францияда енді 6 жастан бастап балалар да бетперде тағуы керек

Бұған дейін 11 жастан асқандар ғана қоғамдық орындарда, соның ішінде көлікте бетперде тағуға міндеттелді. Енді бұл шығармашылық немесе спорттық сабақтарда болмаған кезде одан да төмен жастағыларға қатысты болады. Бұл туралы ресми жарияланған қаулыда айтылды.

Мамандар қазір Франциядағы жағдай тұрақты емес екенін мәлімдеді. Тәулігіне жұқтырғандар саны 200 мыңнан асты. Президент Эммануэль Макрон жаңажылдық үндеуінде азаматтарға алдағы апталар өте қиын болатынын ескертті.

Бұған дейін премьер-министр Жан Кастекс 3-23 қаңтар аралығында кинотеатрларда, театрларда, сондай-ақ, қоғамдық көліктерде және стадиондарда тамақ ішу және сусын ішу тыйым салынатынын мәлімдеді. Сонымен қатар, кей жерлерде аптасына кемінде үш күн қашықтан жұмыс істеу енгізілді.