Ресейде оттек құбырындағы апаттан тоғыз науқас көз жұмды

ERNUR.KZ. Солтүстік Осетияның Владикавказ қаласындағы ауруханалардың бірінде оттекпен қамтамасыз ететін құбырдан ақау шықты, деп жазады 24.kz.

Апаттан медицина мекемесінде емделіп жатқан 9 науқас көз жұмды. Мамандардың айтуынша, марқұмдар жасанды желдету аппаратымен тыныс алған еді. Апаттан кейін қалған науқастар резервтік жүйеге қосылды.

Айта кетейік, оқиға болған ауруханада 71 адам жатыр. Оның 13-і өкпені жасанды желдету аппаратына қосылған. 62 науқас ауыр халде. Министрлікте әр науқас қазір дәрігерлердің жіті бақылауында екенін айтады. Қазір болған жайтқа қатысты тергеу ісі басталды.