АвтоВАЗ-дың бас директоры Максим Соколов Санкт-Петербургтегі бұрынғы Nissan автомобиль зауытының ертеңінен хабардар етті.
ERNUR.KZ. Ресейлік автоконцерн өндірісті өз қажеттіліктеріне қарай рекордтық мерзімде қайта бейімдеуді жоспарлап отыр, деп жазады inbusiness.kz.
"Тапсырма өте күрделі: зауытты қайта форматтауға тура келеді. Тек Nissan автомобильдерін шығаруға арналған зауыт қазір мүлдем басқа модельдер шығаруы тиіс болады, бірақ әдеттегідей бәрінтқысқа мерзімде бітіреміз деп отырмыз", - деді Соколов басылымға берген сұхбатында.
АвтоВАЗ басшысы бейімделудің күрделілігін компания үшін жаңа модельдер шығарумен түсіндірді. Санкт-Петербургте компания C және D класты машиналар, соның ішінде кроссоверлер мен седандар өндірісін ашпақ.
Сондықтан алдымен АвтоВАЗ достық қарым-қатынастағы серіктестерінің көмегін пайдаланады, олар зауытқа тек соңғы өңдеуді қажет ететін дайын машина кешендерін қояды.
"Келешегі жақсы: бұл алаңның максималды қуаттылығы - жылына 110 мыңнан астам автомобиль. 2024 жылы біз нарыққа Lada брендін ілгерілету жөніндегі міндеттерге байланысты 40-60 мың көлік өндіре аламыз", - деп қосты Соколов.
