Жапония көрші Өзбекстанға қарсы санкциялар енгізеді

14.06.2024 14:52

380

Жапон билігінің жаңа санкциялар тізіміне Үндістан, Қытай, БАӘ және Өзбекстан компаниялары кіреді.

ERNUR.KZ. Бұл туралы Токиода өткен баспасөз мәслихатында Жапония министрлер кабинетінің Бас хатшысы Ёсимаса Хаяси мәлімдеді, деп жазады inbusiness.kz.

Оның айтуынша, бұл компаниялар Украинадағы жағдайға байланысты енгізілген Ресейге қарсы шектеулерді айналып өтеді.

"Осы топ 7 ел саммитінде біз үшінші елдердің компанияларын қамтитын жаңа санкциялар пакетін енгізу мәселесін қарастырып жатқанымызды хабарладық. Біз Қытай, Үндістан, БАӘ мен Өзбекстан компанияларына қарсы шаралар қолданамыз", — деді Хаяси.

Жапония Украинадағы жағдайға байланысты Ресейден 1 мыңнан астам адам мен 120-дан астам ұйымға қатысты санкциялар енгізді. Бүгінгі таңда Альфа-Банктің, ВТБ, ВЭБ.РФ, Новикомбанктің, "Открытие" банкінің, Промсвязьбанктің, "Россия" банкінің, Сбербанктің, Совкомбанктің, сондай-ақ тағы 40-қа жуық ұйымдар мен компаниялардың активтері бұғатталды.

Сонымен қатар, Жапония Ресей Федерациясына экспорттауға тыйым салынған тауарлар мен технологиялардың тізімін бекітті, онда қазірдің өзінде 800-ге жуық зат бар. Атап айтқанда, құны 6 млн иеннен асатын (шамамен $43 мың) автомобиль экспортына тыйым салынды. 2023 жылдың 9 тамызынан бастап Жапониядан Ресейге қозғалтқышы 1,9 л-ден асатын бензин мен дизельді автомобильдер мен гибридті машиналарды жеткізуге тыйым салынды.