Ақмола облысында жанып жатқан пәтерге кірген зейнеткер қайтыс болды

26.09.2024 12:27

253

Өрт кезінде пәтерде әйел және оның 83 жастағы анасы болған.

ERNUR.KZ. Ақмола облысының Щучье қаласында көппәтерлі бір қабатты тұрғын үй өртеніп, 83 жастағы қария қайтыс болды, деп жазады inform.kz.

«Өрт кезінде пәтерде әйел және оның 83 жастағы анасы болған. Түтіннен олар сыртқа шыққан. Алайда, белгісіз себептермен қария жанып жатқан үйге қайта кірген. Оқиға орнына жеткен өрт сөндірушілер қарияны сыртқа алып шыққаннымен, ол көп ұзамай көз жұмды. Қазіргі кезде өрттің шығу себебі анықталып жатыр», - деп түсіндірді Ақмола облысы ТЖД баспасөз қызметінен.

Еске сала кетейік, бұған дейін Ақмола облысының Есіл қаласында астық сақтайтын қойма өртенгенін жазған едік.

Сондай-ақ Ақмола облысында 12 жасар қыз бесінші қабаттан құлап кеткенін хабарлаған болатынбыз.