"Алматы - Орал" бағытындағы жолаушылар пойызы жолда алты сағат тұрып қалды

09.12.2023 17:27

2 678

"Жолаушылар тасымалы" АҚ №51 Алматы-2 – Орал (Тальго) жолаушылар пойызының кешігуіне қатысты түсініктеме берді.

фото: көрнекілік үшін ашық дереккөзден алынды

ERNUR.KZ. Алматы-2 – Орал бағытындағы N51 "Тальго" жолаушылар пойызы техникалық ақауға байланысты алты сағат кешікті. Жөндеу үшін орта жолда қалып кеткен пойыз жолаушыларына тегін ыстық тамақ ұйымдастырылды, деп жазады Zakon.kz.

"8 желтоқсанда сағ. 20.35-те Тобыл станциясында техникалық себеппен №51 пойызы тоқтатылды. Ақау анықталып, жөндеу жұмысы жүргізілгеннен кейін Тобыл станциясынан пойыз 9 желтоқсанда сағат 02.13-те, яғни Орал станциясына 6.05-ке сағатқа кешігіп жөнелтілді. Орал станциясына шамамен кеш келу 6 сағатты құрайды"."Жолаушылар тасымалы" АҚ баспасөз қызметі

Сондай-ақ, компания келтірілген қолайсыздықтар үшін жолаушылардан кешірім сұрайтынын жеткізді.