Қазір індет жұқтырғандар Талдықорғандағы әскери госпитальдің, Қарасай аудандық ауруханасының, Шелектегі аудандық аурухананың инфекция бөлімдеріне жатқызылды.
ERNUR.KZ. Бүгін Алматы облысында 24 адамның коронавирус жұқтырғаны анықталды. Олар - Кеген, Іле, Ескелді аудандары мен Талдықорған қаласының тұрғындары. Науқастардың ең үлкені - 76 жастағы зейнеткер болса, ең кішісі - 6 айлық сәби, деп жазады ҚазАқпарат.
Алматы облысы әкімінің баспасөз қызметінің мәліметінше, науқастар медициналық комиссиядан өту , медициналық көмекке жүгіну және бұрын ауырғандармен байланыста болған азамат ретінде тексерілу кезінде анықталған.
Қазір індет жұқтырғандар Талдықорғандағы әскери госпитальдің, Қарасай аудандық ауруханасының, Шелектегі аудандық аурухананың инфекция бөлімдеріне жатқызылды.
Олармен 143 адамның байланыста болғаны белгілі болды. Барлығы оқшауланып, эпидемиологиялық тексеру жүргізіліп жатыр.
21 мамырдағы жағдай бойынша Алматы облысында КВИ инфекциясымен тіркелгендер саны 262-ге жетті.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
