Алматыда 100 миллион теңгенің алтыны жасырылған орын анықталды

ERNUR.KZ. Алматы полициясы ұрланған алтын жасырылған орынды тапты, деп жазады Tengrinews.kz.

Жетісу аудандық Полиция басқармасы мәліметінше, 12 тамызға қараған түні қаладағы базарлардың бірінде алтын-күміс әшекей бұйымдары ұрланған.

"ҚР ҚК-нің 188-бабы 4-бөлігі ("Ұрлық") бойынша тергеліп жатқан қылмыстық іс материалдарына сәйкес, қаскөй базардың алтын сататын қатарына түнде кіріп кеткен. Ол сегіз сауда орнының сөрелерін сындырып, өзімен 100 миллион теңгенің әшекей бұйымдарын алып кеткен. Бұл қылмысты ашу мақсатында тергеу-жедел тобы құрылды. Базардағы бейнебақылау жүйелеріне талдау жасалды. Күдіктінің жеке басы бірден анықталды. Ол - 35 жастағы А. есімді ер адам. Ол Қонаев қаласындағы қонақүйлердің бірінде ұсталды. Күдікті сол жерде уақытты өткізуді жоспарлаған көрінеді", - деді Жетісу аудандық Полиция басқармасының бастығы Дархан Мұсанов.