Мас адам бірнеше рет төмен қарай құлауға тырысқан.
Алматыда ағаштан секірмек болған мас адамды полицейлер құтқарды, деп хабарлайды ERNUR.KZ polisia.kz-ке сілтеме жасап.
3 маусымда Әуезов аудандық ПБ-ның кезекші бөліміне белгісіз ер адам алкогольдік мас күйінде 3-ші ықшам ауданның №20 үйдің жанында жүргені туралы қоңырау келіп түсті.
"Оқиға орнынан кеткен учаскелік инспекторлар ақпаратты растады. Шындығында, ер адам жүрген жоқ, ағашта отырды. Оның жеке басы бірден анықталды – 1972 жылы туған азамат. Мас адам бірнеше рет төмен қарай құлауға тырысты. Өтіп бара жатқан адамдар оны, мұндай әрекет жасамауға көндіруге тырысқан кезде учаскелік инспектор Әділет Шегебаев формалық көйлегін шешіп, ағашқа өрмелеп шығып, өз-өзіне қол жұмсауға тырысқан адамға тосқауыл қойды. Төменгі жақта адамның өміріне бей-жай қарамайтын азаматтар тентті созып, адамды ұстауға дайын тұрды", – деді Әуезов аудандық ПБ бастығы Ұлан Әбілхайыр.
Зардап шеккендер болған жоқ. Полиция ер адамды сот-наркологиялық сараптамаға ертіп барды, онда оның мас болу фактісі ресми түрде расталды. Содан кейін құқық бұзушы полицияға жеткізілді, ол жерде оның осы әрекетінің себебі белгілі болады.
