Жүргізушілер екі күн өтпей табылды. Қатарынан екі рет көлік басып өткен азамат қайтыс болды.
ERNUR.KZ. Алматы полициясы жол бойында жатқан жаяу жүргіншіні басып өтіп, жол-көлік оқиғасы болған жерден қашып кеткен екі жүргізушіні ұстады, деп жазады Sputnik Қазақстан.
Еске салайық, қайғылы оқиға 12 маусымға қараған түні болды.
Бақылау камераларының көмегімен қайтыс болған ер адам жолда кетіп бара жатып сүрініп құлап кетіп, асфальтта қозғалмай жатқаны анықталды. Осы кезде жоғары жылдамдықпен келе жатқан шетелдік көліктің жүргізушісі тоқтап үлгермей, ер адамды басып кетеді. Осылайша ол тоқтамастан оқиға орнынан кетіп қалған. Екінші көліктің жүргізушісі де дәл солай жасады.
Кейін белгілі болғандай, жүргізушілердің бірі Шаңырақ-1 шағын ауданындағы Есентай көшесіндегі жеке тұрғын үйдің ауласында көлігін жасырған.
Екінші көліктің жүргізушісі жол апаты болған Алатау ауданында орналасқан техникалық қызмет көрсету станциясының қызметкері болып шықты.
Автокөлік эвакуатордың көмегімен техникалық қызмет көрсету станциясынан шығарылды.
Қазір екі көлік те уақытша сақтайтын тұрақта, ал олардың иелері полицияға түсініктеме алу үшін жеткізілді.
Қазіргі уақытта полиция ұсталғандардың іс-әрекетін қалай квалификациялау керектігін шешуде.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
