Есірткі саудасын ұйымдастырды деген күдікті Түркиядан Қазақстанға экстрадицияланды

ERNUR.KZ. Есірткі саудасын ұйымдастырды деген күдікке ілінген қазақстандық әйел Түркиядан экстрадицияланды, деп жазады sputnik.kz.

"Түркия Республикасының Әділет министрлігі есірткі заттарын аса ірі мөлшерде сату мақсатында заңсыз сақтағаны үшін күдікті деп танылған азаматшаны беру туралы Қазақстан Республикасы бас прокуратурасының жіберген сұрауын қанағаттандырды", - делінген хабарламада.

Бас прокуратураның мәліметінше, істі тергеу барысында күдікті қылмыстық қудалау органынан жасырынған. Полицейлер оған халықаралық іздеу жариялаған. Бүгін оны жауапқа тарту үшін Қазақстанға экстрадициялады.