Министр жаңа колонияларды салу кезінде халықаралық ұйымдар мен жұртшылықтың таллаптары ескерілетініне сендірді.
ERNUR.KZ. Ішкі істер министрі Ерлан Тұрғымбаев заманауи типті төрт жаңа колония салынатынын мәлімдеді, деп жазады sputnik.kz.
Оның айтуынша, бұл жұмыс министрлік мемлекеттік-жекеменшік серіктістік желісі бойынша жүзеге асыратын үлкен жоба аясында өткізіледі.
"Алдағы үш жылда біз үш облыста бір жарым мың орындық жаңа типті төрт колония салуды жоспарлап отырмыз. Ол жерде халықаралық ұйымдар мен жұртшылық талап ететін бүкіл норма сақталады", - деп мәлімдеді министр мәжіліс кулуарында.
Қазір Қазақстанда 64 мекеме мен 16 тергеу изоляторында 34 мың адам бар. Оның ішінде 30 мың азаматқа сот үкімі шыққан. Қалған 4 мың адам тергеуде қамауда. 93%-і ауыр және аса ауыр қылмыс жасағаны үшін қамауда отыр. 45%-і оның алдында бірнеше рет сотталған. Сонымен қатар, 32 мың адам пробациялық бақылауда тұр.
![](/assets/thumbnails/af/af0c83bad496dfbd5531c69edad783ab.jpg ""Байдың қызын алмағанына ренжіп, он жыл бойы қорлап келген" - шымкенттік келіннің шері")
