Қазақстандық алты боксшы Венгрияда өткен турнирде чемпион атанды

ERNUR.KZ. Бокстан Дебреценде(Венгрия) өткен халықаралық турнирде қазақстандық 6 спортшы финалға шығып, алтауы да алтын жүлдегер атанды, деп жазады Stan.kz.

Иштван Бочкаиды еске алу турнирінің финалына шыққан қазақстандық былғары қолғап шеберлерінің барлығы шешуші жекпе-жекте жеңіске жетті.

Теміртас Жүсіпов (48 келіге дейін), Серік Теміржанов (57 келіге дейін), Саматәлі Төлтаев (60 келіге дейін), Дулат Бекбауов (67 келіге дейін), Аятулла Тәкіжанов (75 келіге дейін) және Айбек Оралбай ((92 келіге дейін) байрақты бәсекеде тұғырдың ең биігінен көрінді.

Бұдан бөлек, қазақстандық боксшылардың қоржынында тағы үш қола медаль бар. Олар Дамир Әбдіқадырға (51 келіге дейін), Дәулет Молдашевқа (54 келіге дейін) және Ермахан Жақпековке (71 келіге дейін) тиесілі.