"Thefiniko" компаниясы сауда және инвестиция платформасы болып табылмайды және әлемдік биржалардың ешқайсысында тіркелмеген.
ERNUR.KZ. Қазақстанның Қаржы мониторингі агенттігі "Thefiniko" қаржы пирамидасының құрылымдық бөлімшесінің басшысы деген болжаммен Дана Анварқызына халықаралық іздеу жариялады, деп жазады zakon.kz.
Бұл туралы ведомствоның 2024 жылғы 29 тамызда жіберген ақпаратында айтылған.
"Батыршина Дана Анварқызы, 1976 жылғы 26 қыркүйекте туған, Өзбекстан, Ташкент қаласының тумасы. Аталған тұлға 2020 жылдың шілдесінен 2021 жылдың шілдесіне дейін "Thefiniko" қаржы пирамидасының құрылымдық бөлімшесін басқарды деген күдікке ілінген. Ол азаматтардан жалпы сомасы 65,9 млн теңге және 206,5 мың АҚШ долларын заңсыз жымқырған."ҚР ҚМА баспасөз қызметі
Атап айтқанда, "Thefiniko" компаниясы сауда және инвестиция платформасы болып табылмайды және әлемдік биржалардың ешқайсысында тіркелмеген.
Егер сіз іздестіріліп жатқан тұлғаның орналасқан жері туралы қандай да бір ақпарат білсеңіз, мына телефон нөмірлеріне хабарласуыңызды сұраймыз:
+7-701-218-05-23 — іздеу бойынша,
+7-727-279-29-56 — кезекші бөлім.
Сыйақы мен анонимдікке кепіл беріледі.
2024 жылдың 23 тамызында Қазақстанның қаржы мониторингі агенттігі Ресей мен Украина азаматтарын, сондай-ақ екі қазақстандықты халықаралық іздеуге салғаны белгілі болды. Олар Алматы облысы мен Алматы қаласында күш қолданды, азаматтарды заңсыз түрмеге қамады, сондай-ақ "1WIN" онлайн-казиносы түріндегі заңсыз ойын және букмекерлік қызметті ұйымдастырды және басқарды деген күдікке ілінген.
