Қоғамдық орындарда түкіргендерге 19 млн теңге айыппұл салынды

0
770

Құқық бұзушылық бас қаладағы базарлардың маңайында жиі тіркелген.


Қоғамдық орындарда түкіргендерге 19 млн теңге айыппұл салынды

ERNUR.KZ. Астанада жыл басынан бері қоғамдық орындарда түкірген 1 200 адамға 19 млн теңге айыппұл салынды, деп жазады sputnik.kz.

ІІД Жергілікті полиция қызметі басқармасының басшысы Арман Айтмағамбетовтың айтуынша, бүгінде оның 5 млн теңгесі немесе 28%-і өндірілді.
Түкіру фактісі бас қаладағы базарлардың маңайында жиі кездескен. Олардың барлығы бейнекамералар арқылы анықталған.

"Жалпыға ортақ орындарды ластауға жол бермеу үшін құқық бұзушылықтардың жолын кесіп келеміз. Әсіресе, қоғамдық орындарда және көшелерде түкіріп жатқан азаматтарға назар аударылады"- деді Арман Айтмағамбетов.