Көкшетауда 80 жастағы кейуана өрттен көз жұмды

ERNUR.KZ. Көкшетауда өрт кезінде 80 жастағы зейнеткер көз жұмды, деп жазады ҚазАқпарат.

Ақмола облыстық ТЖД баспасөз қызметінің мәліметінше, биылғы маусымның 10-да сағат 11:56 шамасында жедел басқару орталығына Әбілқасымов көшесіндегі жеке тұрғын үйден өрт шыққаны хабарланды.

«Өртті сөндіруге ТЖД жеке құрамынан 28 адам және 4 техника шақырылды. Сағат 12:33 кезінде өрт ауыздықталып, 13:18-де сөндірілді. Қызыл жалын 135 шаршы метр аумақты шарпыды. Өртті сөндіру кезінде 1942 жылы туған әйел адамның денесі табылды. Қазіргі кезде өрттің шығу себебі анықталып жатыр. Сот-медициналық және өрт-техникалық сараптама тағайындалды», - деді ведомстводан.

Айта кетсек, бұдан бұрын Ақмола облысында бензиннен уланған 14 жасар бала көз жұмған болатын.