Облыс прокурорлары қоршаған орта ластануының алдын алды.
ERNUR.KZ. Қостанай облысының Табиғат қорғау прокурорлары қауіпті медициналық қалдықтардың заңсыз қоймасының қызметін тоқтатты, деп жазады azattyq-ruhy.kz.
Талдау барысында «А» ЖШС қауіпті медициналық қалдықтарды шығару және жою бойынша мемлекеттік сатып алудың жеңімпазы деп танылғаны анықталды.
«ЖШС-нің қалдықтарды жою нысаны Астана қаласының маңында орналасқандықтан, жосықсыз мердігер оларды заңда көзделгендей әр 3 күн сайын жою нысанына апарудың орнына, Қостанай қаласында заңсыз сақтай бастаған. Қауіпті қалдықтардың жинақталуы қарапайым қауіпсіздік талаптарын сақтамай жүзеге асырылған», - делінген хабарламада.
Сонымен қатар кәсіпорын елордаға қауіпті жүктерді тасымалдау үшін мамандандырылған көлікті емес, мобильді қосымша бойынша жалға алынған қарапайым жүк көлігін пайдаланған.
Осы факт бойынша Қазақстан Республикасы Қылмыстық кодексінің 332-бабы 1-бөлігі бойынша сотқа дейінгі тергеу басталды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
