Магистратурада оқуға 13 мың грант бөлінді: құжат қабылдау басталды

0
486

Грант иегерлерінің тізімі 25 тамызға дейін жарияланады.


Магистратурада оқуға 13 мың грант бөлінді: құжат қабылдау басталды

ERNUR.KZ. Магистратурада оқуға 13 мың грант бөлінді. Грант конкурсына құжаттарды қабылдау 12-15 тамыз аралығында жүзеге асырылады, ал грант иегерлерінің тізімі 25 тамызға дейін жарияланады, деп жазады azattyq-ruhy.kz.

ҚР Ғылым және жоғары білім министрлігі магистратураға түсуге арналған кешенді тестілеудің нәтижелерін жариялады. Магистратураға түсуге арналған кешенді тестілеуді 39 мыңнан астам адам тапсырды. Олардың 43%-ы шекті балл жинады. Орташа көрсеткіш – 75 балл. Ең жоғары балл – 132.

Тестілеу қорытындысы бойынша 149 қатысушының нәтижесі жойылды. Олар ережені бұзған.

Ғылыми-педагогикалық бағыт бойынша магистратураға түсу үшін кемінде 75 балл, бейіндік бағыт бойынша кемінде 30 балл жинау қажет.

Грант конкурсына қатысу үшін үміткерлер келесі құжаттарды тапсыру қажет:

  • жеке куәліктің көшірмесі;
  • жоғары білімі туралы құжат (диплом және қосымшасы);
  • КТ сертификаты;
  • халықаралық сертификаттар (бар болған жағдайда).

Құжаттарды оқу орнына қабылдау комиссияларына офлайн, сондай-ақ виртуалды қабылдау комиссиялары арқылы онлайн тапсыруға болады.