Желіде бірнеше видео тарады.
ERNUR.KZ. Денсаулық сақтау басқармасы Нұр-Сұлтанда толып кеткен аурухана туралы хабарламаға пікір білдірді, деп жазады Tengrinews.kz.
Әлеуметтік желілерде медициналық мекеменің толып кетуіне байланысты елордалық №1 көпсалалы қалалық аурухананың дәлізінде емделушілер жатыр деген хабарламалар пайда болды. Желіде бірнеше видео тарады.
Нұр-Сұлтан қаласы Қоғамдық денсаулық сақтау басқармасының өкілі №1 көпсалалы қалалық ауруханада эпидемиологиялық жағдайдың нашарлауына байланысты ауруханаға жатқызылғандар саны күрт артқанын растады.
"Апта басында аталған ауруханада науқастар көбейіп кеткенде палата босағанша адамдарды дәліздерде уақытша орналастыру жағдайлары болды", - деп хабарлады ведомствоның баспасөз қызметі.
"Бүгінде палаталарға 200-ден астам адам қабылданып, орналастырылды. Тұрғындардан қаладағы эпидемиологиялық жағдайға түсіністікпен қарап, сабыр сақтауды сұраймыз. Дәрігерлер қажетті медициналық көмекті барлығына көрсетеді", - деп толықтырды басқарма өкілі.
