Оралда әйел адам үйдің төртінші қабатындағы балконнан секірмек болды

0
254

Полицейлердің жедел әрі батыл әрекеттерінің арқасында әйел аман қалды.


Оралда әйел адам үйдің төртінші қабатындағы балконнан секірмек болды

ERNUR.KZ. 25 сәуір түнгі уақытта полицияға Кердері көшесінде әйел адамның көпқабатты үйдің төртінші қабатындағы балконнан секірмек болғаны туралы хабарлама түсті, деп жазады Zakon.kz.


Оқиға орнына бірден патрульдік полиция экипаждары жетті. Полиция қызметкерлері жағдайды жедел бағалап, кәсіби әрі үйлесімді әрекет етті.



Полиция капитаны Райымбек Газезов төменде қалып, әйелмен байланыс орнатып, оның назарын басқа жаққа аударды. Ал полиция капитаны Берік Сиязбаев, полиция лейтенанты Фархат Ғалиев және полиция аға лейтенанты Мирас Каримуллин үшінші қабатқа көтеріліп, балкон арқылы төртінші қабатқа өтіп, әйелді дер кезінде ұстап үлгеріп, қайғылы жағдайдың алдын алды.

Полицейлердің жедел әрі батыл әрекеттерінің арқасында әйел аман қалды.