Құқықбұзушылықты жасаған күдікті 6 қаңтарда ұсталды.
ERNUR.KZ. БҚО облыстық прокуратурасы Оралдағы жарылыс болған кафе жалға алушысының ұсталғанын мәлімдеді. Қайғылы оқиғадан үш адам қаза тапқан еді, деп жазады Stan.kz
Облыстық прокуратурасы мен төтенше жағдайлар департаменті “Rizyq”дәмханасында болған өрт пен адамдардың өліміне қатысты қылмыстық кодекстің 292-бабы "Өрт қауіпсіздігі қағидаларын бұзу" бойынша сотқа дейінгі тергеуді басталғанын жеткізді.
"Құқықбұзушылықты жасаған күдікті 6 қаңтарда ұсталды. Уақытша ұстау изоляторына қамалды. Ведомствоаралық тергеу-жедел тобы қажетті сараптамаларды тағайындады. Тергеу мүддесі үшін басқа мәліметтер жарияланбайды", - деді департаменттің баспасөз қызметі.
Еске салсақ, 4 қаңтарға қараған түні Орал қаласында Rizyq кафесінде газ жарылып, екі қабатты ғимарат қираған еді. Кейін қирандылар арасынан үш адамның денесі табылды.
